N’aziënda de familia che mira al’inovaziun

Le scomenciamënt de nosta aziënda

Nosta dita spezialisada sön implanc termoidraulics nasc ti Agn Setanta y mët defata raisc stersces: tl 1978 fondëia Cleto Dapoz y Otto Clara la dita Dapoz & Clara, che devënta tosc n punt de referimënt por i laurs da monter tla Val Badia. Tla medema dita laora tosc ince i mituns de Cleto, Christian dal 1987 y Simon dal 1998 incá. Tl 2000 tol Otto y Cleto la dezijiun da ti dé vita a döes aziëndes despartides y insciö nascel spo la Termo Dapoz Snc de Dapoz Christian & Co.

Termo Dapoz aldedaincö

Incö, do che Cleto é gnü a mancé tl 2015, vëgn l’aziënda aministrada da Christian y Simon, adöm cun d’atri mëmbri de familia: la fomena de Christian, Jessica, se crüzia dla contabilité, deperpo che les döes fies Desiree y Celine laora öna ti cantiers y l'atra t'ofize. La scuadra vëgn completada da diesc lauranc cualificá y spezialisá tl’istalaziun y manutenziun di implanc idro-termosanitars, sciöche ince di sistems de ventilaziun y de aspiraziun.

Raisc stersces tl teritore

La sënta de nosta aziënda é a La Ila, tl cör dl’Alta Badia, incertlada dales belëzes dolomitiches di parcs naturai Pöz-Odles y Fanes-Senes-Braies. Chësc teritore ti á tres dé y ti dará inant tröp a nosta dita, porchël orunse tres s’impegné da dé zoruch almanco na pert de chësc valur, sponsorisan de cör vigni uniun sportiva dl’Alta Badia.

Tres desponibli y atira arjigná da brancé do: nosta sveltëza d’intervënt nes á pormetü da deventé n punt de referimënt por privac y hotí.

Nüsc punc de forza

Tres da abiné

N problem idraulich pó gaujé de gragn dagns y cinamai roviné dassënn abitaziuns o hotí: chësc savunse dër avisa y rodunt porchël sunse tres da abiné y desponibli da intergní.

Ajornamënc

Che ara se trates de implanc da scialdé inovatifs o de sistems de ariaziun plü efiziënc: nüsc tecnics é tres ajorná y tëgn vare cun i tëmps por garantí a nüsc cliënc tresfora na efiziënza che convëgn.

Esperiënza

La familia Dapoz laora bele da trëi generaziuns tl monn dla termoidraulica: ala gran esperiënza de Christian y Simon se injuntëia ince chëra di colaboradus cualificá y spezialisá te nüsc sorvisc prinzipai.