Varieté y cualité de formes y materiai.

L'aredamënt dl bagn é un di punć de maiù importanza tla planificaziun dla ćiasa. En bagn da stè saurì toca pro vigni ćiasa y ambiënt ćialt.

Dal design ai materiai él de gran importanza chirì fora implanć adeguà por vigni bojëgn, gust personal y nezescité de lerch.

Adöm a nostes firmes colaboradësses ves pitun deplü soluziuns, vignöna caraterisada da funzionalité, resistënza di materiai, eleganza de formes y design.

Scialdè por osc bëgnester de ćiasa.

I pitun deplü alternatives por ći che reverda le scialdè te ćiasa. I ves aconsiun le sistem de implant plü adeguè por osta abitaziun. Vigni implant a carateristiches desvalies de ćialt y efiziënza energetica.

I adorun deplü fontanes de energia:

- metan
- gasöre
- GPL
- lëgna
- eletrizité
- energies alternatives

Energia alternativa

Energies alternatives: efiziënza y sparagn de energia.

Nosta dita po pité n esperiënza pluridezenala tl ćiamp dles energies alternatives. Sun spezialisà tla sostituziun y integraziun de implanć da scialdè tradizionai cun sistems moderns y efiziënć che pormët de adorè les fontanes de energia naturales y renovables. Chëstes garantësc netijia, efiziënza, reduziun dl incuinamënt y gran potenzial de sparagn de energia:

- Le sorëdl
- l’ega
- i pellets

Sarun contënć da podëi se aconsié sön l'implant plü adeguè por osta abitaziun, tulan in conscidraziun ostes esigënzes y nezescitês.

I istalun panei solars termics, pumpes de ćialt in combinaziun cun sistems tradizionai, ćialdires a condensaziun, sistems a bassa temperatöra y acumuladus de ega ćialda.

Bëgnester

Implanć wellness moderns y da stè saurì.

Nosta dita se à spezialisé sön l'aredamënt de zëntri de bëgnester (wellness) por ćiasa y hotel. Adöm a nostes firmes colaboradësses ves pitun en gran sortimënt de implanć de gran cualité y dal design elegant, por avëi le mascimo da funzionalité, efiziënza, ćialt y atmosfera plajora.

Ves daidarun chirì fora la combinaziun de formes, materiai, lercs y corusc plü adeguada por osc ambiënt, por ti dè vita a en zënter de bëgnester inviënt y plajor.

Implanć ciüciastöp

Implanć de ciüciastöp: comodité y netijia

En implant de ciüciastöp zentralisé é l'ideal por la netijia de osta ćiasa. En te implant po portè de gran mioramënć dl bëgnester de ćiasa, a gauja dla reduziun dla vera y dla comodité dl ro flessibl da podëi adorè te vigni ćiamena.

Ventilaziun

Implanć de ventilaziun por na miù cualité dl aria de ćiasa.

En bun implant de ventilaziun porta pro a avëi na coreta reziclaziun dl aria, evité la formaziun de müfes y töme y in plü a evité le spaterlamënt de ćialt.

Les prescriziuns de efiziënza energetica d'aldedaincö damana sistems moderns por garantì la sanité y netijia dl aria de ćiasa. Nüsc implanć garantësc aria nëta costanta tignan cunt tl medemo momënt dla mascimizaziun dl sparagn de energia.